۹ فروردین ۱۴۰۳ |۱۸ رمضان ۱۴۴۵ | Mar 28, 2024
علامہ ڈاکٹر شبیر حسن میثمی، پریس کانفرنس

حوزہ / شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی نے کہا ہے کہ وطن عزیز پاکستان سنگین سیاسی عدم استحکام، معاشی بحران اور امن و امان کی صورتحال سے دوچار ہے۔

حوزہ نیوز ایجنسی کی رپورٹ کے مطابق، شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی نے کہا ہے کہ وطن عزیز پاکستان سنگین سیاسی عدم استحکام، معاشی بحران اور امن و امان کی صورتحال سے دوچار ہے لیکن اناؤں کے بھنور میں گرفتار بے حس لوگ اپنی اپنی خواہشات کی تکمیل میں آپس میں دست و گریبان ہیں ۔

شیعہ علماء کونسل ہاکستان کے مرکزی سیکرٹری جنرل علامہ ڈاکٹر شبیر حسن میثمی نے لاہور میں صحافیوں سے گفتگو کرتے ہوئے کہا: وطن عزیز پاکستان کے خلاف استعماری قوتیں آج بھی سازشوں میں مصروف ہیں اور ان کا ہدف عالم اسلام کے واحد ایٹمی ملک کو اس کے ایٹم بم سے محروم کرنا ہے اور بقول ان کے ان کو ڈر ہے کہ ملک کے اندر معاشی اور سیاسی استحکام ان قوتوں کے ناپاک عزائم کی تکمیل کا سبب نہ بن جائے۔

انہوں نے واضح کیا کہ ان سازشوں کو بھانپتے ہوئے تمام اسٹیک ہولڈرز کو باہم مل بیٹھ کر معاشی اور سیاسی عدم استحکام سے ملک کو نجات دلانے اور ملک کو ترقی کی راہ پر گامزن کرنے میں کے لیے سر جوڑنے ہوں گے اور اس نازک ملکی صورتحال کا ادراک کرتے ہوئے اپنی سیاست کا محور حقیقی معنوں میں پاکستان کے مفاد پر منتج کرنا ہو گا۔

علامہ ڈاکٹر شبیر حسن میثمی نے ملک سے سود کے خاتمے کے لیے حکومت کے فوری اقدامات اٹھانے کا مطالبہ کیا جبکہ کرپشن، فحاشی، عریانی، مہنگائی کی خاتمے کے لیے بھی عملی اقدامات پر زور دیا۔

انہوں نے عوام سے بھی اپیل کی کہ وہ اپنے فرائض کی انجام دہی کے لیے متحد ہو کر ملک کو ان بحرانوں سے نکالنے کے لیے اپنی تمام صلاحیتوں کو بروئے کار لائیں تاکہ ملک کو جلد از جلد اس سنگین صورتحال سے نکالا جا سکے۔

قابلِ ذکر ہے کہ صحافیوں سے گفتگو کے موقع پر شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی کے ہمراہ علامہ حافظ کاظم رضا نقوی، مرکزی سیکرٹری اطلاعات زاہد علی آخونزادہ، علامہ فیاض مطہری، علامہ اشتیاق کاظمی، قاسم علی قاسمی اور صغیر ورک سمیت دیگر علماء بھی موجود تھے۔

ملک پاکستان کے خلاف استعماری قوتیں آج بھی سازشوں میں مصروف ہیں، علامہ ڈاکٹر شبیر حسن میثمی

ملک پاکستان کے خلاف استعماری قوتیں آج بھی سازشوں میں مصروف ہیں، علامہ ڈاکٹر شبیر حسن میثمی

لیبلز

تبصرہ ارسال

You are replying to: .