حوزہ نیوز ایجنسی کے مطابق، شیعہ علماء کونسل پاکستان شعبہ آسٹریلیا کے رہنما اور امام جمعہ ملبورن آسٹریلیا علامہ اشفاق وحیدی نے حکومت پاکستان کی طرف سے متنازعہ بل منظور کرنے پر اپنا رد عمل دیتے ہوئے کہا: حکومت اس بل کو فوری طور پر ختم کرے کیونکہ اس سے ملک میں مزید بد امنی پھیلنے کا خدشہ ہے۔
انہوں نے کہا: ملک پاکستان میں مذہب کے لیے نئے قانون بنانے کی ضرورت نہیں ہے۔ پہلے سے موجود قانون پر عمل کیا جائے۔
علامہ اشفاق وحیدی نےحکومت پاکستان سے پرزور مطالبہ کیا کہ حکومت امن و امان قائم رکھنے کے لیے فوری طور بل کو مسترد کرے۔
