حوزہ نیوز ایجنسی کے مطابق، انجمنِ حیدری ضلع دادو کے مرکزی ماتمی جلوس زير نگرانی مرکزی شیعه رہنما زوار سید فدا حسین شاه کاظمی کے مختلف روائتی روٹس سے گزرتا ہوا نیو چونک دادو سٹی پہنچا۔ جہاں پر مومنین اور عزاداران امام حسین علیہ السلام نے نواسہ رسول (ص) حضرت امام حسین علیہ السلام اور شہداء کربلا کی یاد میں مجلس عزا اور زنجیر زنی اور پرسہ پیش کیا۔
تنظیم کی جانب سے میڈیکل کیمپ لگایا گیا اور فرسٹ ایڈ فراہم کی گئی اور ادویات بھی تقسیم کی گئیں۔
ڈی ایچ او دادو محترم سید امداد حسین شاه اور ای ڈی ایچ او محترم زاہد حسین کیھرو کی جانب سے خصوصی تعاون بھی کیا گیا اور میڈیکل کیمپ پر پہنچ کر تفصیلی جائزه بھی لیا اور تنظیمی خدمات کو سراہا۔
قابل ذکر ہے کہ اصغریہ آرگنائیزیشن پاکستان کے مرکزی معاون ماليات سيکريٹری اللہبچایو انقلابی، ڈویژن صدر دادو صدر وسیم رضا جعفری، ڈویژن جنرل سیکریٹری دادو زوار مشعیب احمد اصغری، ڈویژن دادو کے سینئر رہنما زوار محبوب جعفری، یونٹ دادو سٹی نائب صدر نور محمد جمالی، عبدالستار جمالي اور تنظیمی عہدیداران اور کارکنان نے ا للہ میں اپنی خدمات سر انجام دیں۔
