حوزہ نیوز ایجنسی کے مطابق، شیعہ علماء کونسل پاکستان کے رہنما اور سابق بین المذاہب و امن کمیٹی کے ممبر علامہ اشفاق وحیدی نے آمد شہادت ایام مولا امام علی علیہ السلام کے موقع پر جاری اپنے خصوصی پیغام میں کہا: دہشتگرد عناصر ایک بار پھر ملک میں دہشگردی اور فرقہ واریت پھیلانا چاہتے ہیں۔
انہوں نے کہا: ریاستی اور قانون نافذ کرنے ادارے ایسے عناصر کے نیٹ ورکس کو توڑنے کے لیے عملی اقدامات کریں۔
علامہ اشفاق وحیدی نے کہا: تمام مذاہب کے علماء مل کر دہشتگردی اور فرقہ واریت کے خاتمے کے لیے آواز بلند کریں۔ آج دنیا جن چیلنجز کا مقابلہ کر رہی ہے وہ غربت، بے روزگاری اور فرقہ واریت ہے۔ جس کی وجہ سے ہر طبقہ کا نوجوان پریشان نظر آتا ہے۔
انہوں نے مزید کہا: معاشرے کی ترقی نظام علوی میں پوشیدہ ہے۔ آج اگر حکمران ملک کو مستحکم کرنا چاہتے ہیں تو ملک میں عادلانہ نظام کا قیام ضروری ہے۔
آپ کا تبصرہ