حوزہ نیوز ایجنسی کی رپورٹ کے مطابق، شیعہ علماء کونسل پاکستان کے مرکزی سیکرٹری جنرل علامہ شبیر حسن میثمی نے موجودہ غزہ و فلسطین کے حالات پر جاری اپنے پیغام میں کہا: نظریہ پاکستان اسرائیل کو تسلیم نہ کرنا ہے۔ ایسا کرنے والا ہر شخص نظریہ پاکستان اور بانی پاکستان کا مجرم تصور کیا جائے گا۔
انہوں نے کہا: بحر سے نہر تک فلسطین فلسطینیوں کا ہے۔ امریکی صدر ڈونلڈ ٹرمپ کے اقدامات پورے خطے کو آگ لگا سکتے ہیں۔
علامہ شبیر میثمی نے کہا: وزیرِاعظم پاکستان کی جانب سے ٹرمپ کے نام نہاد منصوبے کی حمایت فلسطینی عوام کے خون سے غداری اور قائداعظم محمد علی جناحؒ کے نظریے سے کھلی خیانت ہے۔ قائداعظمؒ نے واضح کہا تھا کہ اسرائیل ایک غاصب اور ناجائز ریاست ہے اور پاکستان اسے کبھی تسلیم نہیں کرے گا۔
مرکزی سیکرٹری جنرل شیعہ علماء کونسل نے کہا: پاکستانی عوام کا دوٹوک مؤقف ہے کہ فلسطین ایک مکمل آزاد اور خودمختار ریاست ہو جس کا دارالحکومت بیت المقدس ہو۔ اس کے علاوہ کسی نام نہاد امن منصوبے یا دو ریاستی فارمولے کو ہم فریب، دھوکہ اور اپنے نظریاتی تشخص کے منافی سمجھتے ہیں۔
آپ کا تبصرہ