حوزہ نیوز ایجنسی کی رپورٹ کے مطابق دارالقرآن نجم الملت ہال جامعہ ناظمیہ لکھنؤ میں بزم عصمت کے عنوان سے طرحی محفل مقاصدہ کا انعقاد کیا گیا۔ جس میں اساتذہ کرام علمائے عظام اور کثیر تعداد میں طلاب و مومنین نے شرکت کی۔
حجۃ الاسلام مولانا سید عترت حسین (استاد مدرسہ) کی نگرانی میں مقالہ نویسی کا اہتمام ہوا جسمیں ممتازین کو حجتہ الاسلام والمسلمین مولانا سید فرید الحسن (پرنسپل ناظمیہ عربی کالج) کے دستہ مبارک سے نفیس انعامات سے نوازا گیا بعدہ پرنسپل نے جناب فاطمہ زہرا صلوات سلامہ اللہ علیہا کی سیرت پر روشنی ڈالی۔
ممتازین میں:
اول انعام مولوی سید عباس مہدی
دوم انعام مولوی سید عاقب رضا
سوم انعام مولوی سید زمن عباس
ممتاز مقررین:
سیرت زہرا کے عنوان سے تقریر کرنے والوں میں حسب ذیل طلاب کو انعام دیا گیا۔
اول انعام مولوی سید نقی عابدی
دوم انعام مولوی سید عاقب رضا عابدی
سوم انعام مولوی سید عباس مہدی
بہترین قصیدہ پیش کرنے کے لئے:
پہلا انعام مولوی طاہر رضا
دوسرا انعام مولوی کامران حیدر
تیسرا انعام مولوی محمد علی سرسوی کو دیا گیا۔
نظامت کے فرائض مولانا عباس علی زیدی اور مولانا محمد اصغر (استاد مدرسہ) نے انجام دیا۔
شعرائے اکرم کے منتخب اشعار:
احمد کی ذات باعث تخلیق کائنات
تخلیق کائنات کا محور ہیں فاطمہ
مولانا سید عترت حسین آعظمی
مہتاب کیسے عظمت زہرا بیاں کرے
خاکی زباں ہے نور کا پیکر ہیں فاطمہ
مہتاب اعظمی
یہ راز کربلا میں کھلا ہے نہ پوچھئے
پیوند کیوں ردا میں بہتر ہیں فاطمہ
طاہر مبارکپوری
کوئی بھی ان کے در سے نہ جائےگا خالی ہاتھ
اللہ کے صفات کا مظہر ہیں فاطمہ
زمن حیدر
لیتے ہیں آکے چاند ستارے بھی روشنی
سورج تیری ردا میں بہتر ہیں فاطمہ
اصغر جلالپوری
چاہے مباہلہ ہو یا میدان کربلا
منظر کہیں کہیں پس منظر ہیں فاطمہ
ہادی رضا
جس کے لیے رسول گئے عرش نور پر
وہ منبع کثیر تو کوثر ہیں فاطمہ
عقیل جلالپوری
گھر میں نبی کے بیٹیاں گر چار ہیں تو پھر
کیوں صرف اپنے باپ کی مادر ہیں فاطمہ
محمد جعفر کاظمی
مولا علی ہیں لشکری سلطان انبیاء
مولا علی کے واسطے لشکر ہیں فاطمہ
عامر سرسوی
وجہ تجلیاتِ زمانہ یہی تو ہیں
سورج سے بھی زیادہ منور ہیں فاطمہ
ایلیا جلالپوری
قرآن ان کی مدح سرائی کا مستحق
انسان تیری فکر سے باہر ہیں فاطمہ
وھب عباس
نور کساء میں مرکزِ انور ہیں فاطمہ
جملہ فضیلتوں کا سمندر ہیں فاطمہ
انعام حیدر سرسوی
مولاکو ظالموں سے چھوڑا کر بتا دیا
حیدر پہ وقت آئے تو حیدر ہیں فاطمہ
محمد علی سرسوی
تنہا سمجھنا ان کو ہے کوتاہی نظر
کوثر یہ کہہ رہا ہے کہ لشکر ہیں فاطمہ
نقی عابدی
مریم سے فاطمہ کا تقابل نہ کیجیے
سارے جہاں سے افضل و برتر ہیں فاطمہ
سلمان حیدر
نوکےسنا سے جس نے کلام خدا پڑھا
اس بولتے قرآن کی مادر ہیں فاطمہ
محور سرسوی
اے ذاکر حسین ادب سے کلام کر
یہ فرش ہے عزا کا یہیں پر ہیں فاطمہ
اشتر سرسوی
محفل سجی ہوئی ہے ولادت کی خلد میں
حور و ملک تمہارے ثنا گر ہیں فاطمہ
علی محمد
گلزار مصطفی کی گل تر ہیں فاطمہ
تسکین قلب راحت ِ حیدر ہیں فاطمہ
حسن عباس
