حوزہ نیوز ایجنسی کی رپورٹ کے مطابق، آیت اللہ العظمی علوی گرگانی کے تعزیتی پیغام کا مکمل متن حسب ذیل ہے:
باسمہ تعالی
عوامی خدمت گار عالم حضرت آیت اللہ الحاج سید محمد حسن علوی سبزواری، کی وفات کی خبر انتہائی رنج و الم کا باعث بنی۔
آپ نے اپنی بابرکت زندگی کو مکتب اہل بیت علیہم السلام، لوگوں کی خدمت اور معارف دینی کے فروغ میں صرف کردیا مرحوم اخلاق حسنہ کے مالک ہونے کے ساتھ تقویٰ کی مثال بھی تھے۔
میں اس عظیم فقدان پر، امام عصر علیہ السلام، نیز حوزہ ہائے علمیہ، سبزوار کے مؤمن عوام اور مرحوم کے خانوادہ کی خدمت میں تعزیت پیش کرتا ہوں اور خدا سے اس بزرگ عالم دین کی مغفرت اور رحمت کے لئے دعا گو ہوں۔
علوی گرگانی
حوزہ علمیہ قم
