حوزہ نیوز ایجنسی کے مطابق، نمائندہ دفتر قائد ملت جعفریہ پاکستان اصفہان مولانا سید علی جعفر شمسی نے 18 اکتوبر 2023ء بروز بدھ اپنی کابینہ و اراکین کے ہمراہ میدان امام حسین علیہ السلام اصفہان میں مظلومین فلسطین کی حمایت میں منعقدہ احتجاجی ریلی میں شرکت کی۔
رپورٹ کے مطابق یہ ریلی مدرسہ حکیمیہ سے میدان امام حسین (ع) پہنچی اور وہاں پہنچ کر مظلوم فلسطینیوں کے ساتھ ہمدردی اور امریکہ و اسرائیل کے مظالم بالخصوص گذشتہ دنوں ہسپتال میں ہوئے حملوں پر شدید غم و غصہ کا اظہار کیا گیا۔
پروگرام میں امریکہ و اسرائیل کے خلاف بھر پور نعرے، دعای امام زمانہ عج، منقبت خوانی بھی کی گئی۔ اس ریلی میں اصفہان کے عوام کی بڑی تعداد نے بھرپور شرکت کی۔
