حوزہ نیوز ایجنسی کے مطابق، قائد ملت جعفریہ پاکستان علامہ سید ساجد علی نقوی سے ان کی رہائشگاہ پر مرکزی سیکرٹری جنرل شیعہ علماء کونسل پاکستان علامہ ڈاکٹر شبیر حسن میثمی اور مرکزی سیکرٹری اطلاعات جناب زاہد علی آخونزادہ کی اہم ملاقات ہوئی۔
رپورٹ کے مطابق اس ملاقات میں قائد محترم کو موجودہ سیاسی صورتحال اور گلگت، بلتستان میں ہونے والے اقدامات کے متعلق مفصل آگاہی دی گئی۔
ملاقات میں اہم معاملات پر تفصیلی غور و خوض بھی ہوا۔ آئندہ کی حکمت عملی، مختلف مسائل اور تنظیمی حوالے سے بھی اہم بات چیت زیر بحث رہی۔
قائد محترم نے تمام معاملات کو دانشمندی اور گہری حکمت عملی کے ساتھ پایہ تکمیل تک پہچانے کے حوالے سے وفد کی رہنمائی بھی فرمائی۔
