حوزہ نیوز ایجنسی کی رپورٹ کے مطابق، مجلسِ علمائے مکتب اہلبیت پاکستان صوبۂ بلوچستان کی صوبائی مجلس عاملہ کا اہم اجلاس مسجد خاتم الانبیاء کوئٹہ میں منعقد ہوا، اجلاس کی صدارت مجلس علمائے مکتب اہلبیت پاکستان کے مرکزی صدر حجۃالاسلام والمسلمین علامہ سید حسنین عباس گردیزی نے کی۔
اجلاس میں اتفاق رائے سے علامہ ڈاکٹر محمد موسیٰ حسینی کو مجلسِ علماء مکتب اہل بیت علیہم السّلام صوبۂ بلوچستان کا صوبائی صدر منتخب کیاگیا۔
انہوں نے اپنی کابینہ میں علامہ برکت علی مطہری کو نائب صدر، علامہ ذوالفقار علی سعیدی کو جنرل سیکریٹری اور علامہ رحمت رضوانی کو سیکٹریری تبلیغات نامزد کیا۔
اجلاس میں مجلسِ علمائے مکتب اہل بیت علیہم السّلام بلوچستان کے ضلع کوئٹہ، ضلع جھل مگسی، ضلع جعفر آباد، ضلع نصیر آباد ضلع اور صحبت پور کے نمائندگان نے اپنی کارکردگی رپورٹ بھی پیش کی۔
اس موقع پر مجلس علماء مکتب اہل بیت علیہم السّلام صوبۂ بلوچستان کی مجلس نظارت کے رکن حجۃالاسلام علامہ محمد ہاشم موسوی، ایم ڈبلیو ایم کے مرکزی سیکریٹری تنظیم سازی علامہ مقصود علی ڈومکی، ایم ڈبلیو ایم بلوچستان کے صدر علامہ سید ظفر عباس شمسی، ایم ڈبلیو ایم بلوچستان کے نائب صدر شیخ ولایت حسین جعفری اور ایم ڈبلیو ایم بلوچستان کے جنرل سیکریٹری علامہ سہیل اکبر شیرازی نے بھی خطاب کیا۔
