حوزہ نیوز ایجنسی کی رپورٹ کے مطابق، یمنی فوج کی جانب سے غاصب صیہونی تنصیبات پر میزائل حملوں کے بعد تل ابیب اور مقبوضہ فلسطین کے دیگر علاقوں میں خطرے کے سائرن بجائے گئے۔
رپورٹ کے مطابق، مظلوم فلسطینیوں کی نسل کشی اور یمن پر جارحیت کے جواب میں یمنی مسلح افواج نے غاصب صیہونی شہروں اور فوجی تنصیبات پر ایک مرتبہ پھر میزائل حملہ کیا ہے۔
غاصب صیہونی ذرائع ابلاغ کے مطابق، اسرائیلی فوج نے تصدیق کی ہے کہ یمن سے میزائل داغے گئے اور فضائی دفاعی نظام نے اس کو روکنے کی کوشش کی۔
اسرائیل کے مقامی ذرائع نے بتایا ہے کہ تل ابیب کے وسطی علاقوں میں مسلسل کئی دھماکوں کی آوازیں سنی گئی ہیں، جبکہ جنوبی تل ابیب کے شہر بات یام میں ایک شخص اس وقت زخمی ہوا جب وہ پناہ گاہ کی جانب جا رہا تھا۔
واضح رہے اس حملے کے بعد بن گوریان ایئرپورٹ پر تمام پروازوں کی آمد و رفت کو عارضی طور پر روک دیا گیا ہے۔
اسلامی مزاحمتی تحریک انصار اللہ کے رہنما نصرالدین عامر نے اس حملے کی تصدیق کرتے ہوئے کہا ہے کہ بن گوریان ائیرپورٹ سمیت مقبوضہ فلسطین کے تمام ہوائی اڈے اب غیر محفوظ ہیں۔
انہوں نے کہا کہ غاصب اسرائیل کے غزہ پر حملوں میں شدت آنے کے بعد ہم تمام ہوائی اڈوں پر پروازوں پر پابندی عائد کر رہے ہیں۔
انہوں نے فضائی کمپنیوں سے مطالبہ کیا کہ وہ مقبوضہ علاقوں کی جانب اپنی پروازیں بند کریں، تاکہ مسافروں کی جانیں محفوظ رہیں۔
نصرالدین عامر نے واضح کیا کہ انصار اللہ کی کارروائیاں نہ صرف جاری رہیں گی، بلکہ غاصب اسرائیلی جارحیت اور غزہ کا محاصرہ ختم ہونے تک مزید شدت اختیار کریں گی۔
آپ کا تبصرہ