حوزہ نیوز ایجنسی کی رپورٹ کے مطابق، جمعیتِ العلماء اثنا عشریہ کرگل کے زیرِ اہتمام ماہ محرم اور ماہ صفر کے حوالے سے آنلائن اور آف لائن کتاب خوانی کا مقابلہ منعقد کروایا گیا تھا؛ اس مقابلے کے لیے علامہ سید میر حامد حسین ہندی کی تصنیف کردہ کتاب عبقات الانوار اور سید العلماء ثانی علامہ سید علی نقی نقوی (نقن صاحب) کی کتاب ”قاتلانِ امام حسین کا مذہب“ معین کر دی گئی تھی۔
ان مقابلوں میں ضلع کرگل اور بیرون ضلع سے 300 سے زائد طلباء اور طالبات نے حصہ لیا۔
کتاب خوانی مقابلے میں نمایاں کارکردگی کا مظاہرہ کرنے والے طلاب اور طالبات کے ناموں کا اعلان 17 ربیع الاول 1447 ہجری جشنِ صادقین کی مبارک مناسبت پر ہوا اور انہیں علمائے کرام کے ہاتھوں انعامات سے نوازا گیا۔
حجت الاسلام شیخ ناظر مہدی محمدی نے ان مقابلہ جات میں کامیاب ہونے والے طلاب، طالبات اور ان کے والدین کو مبارکباد پیش کرتے ہوئے شرکت کرنے پر ان کا شُکریہ بھی ادا کیا۔
آپ کا تبصرہ