حوزہ نیوز ایجنسی نے پاکستان کے میڈیا کے حوالے سے نقل کیا ہے کہ دارالحکومت اسلام آباد میں جی الیون جوڈیشل کمپلیکس کے مرکزی گیٹ کے قریب خودکش دھماکہ ہوا ہے، جس کے نتیجے میں 12 افراد جانبحق اور 30 زخمی ہوئے ہیں اور زخمیوں میں سے 7 کی حالت نازک بتائی جا رہی ہے۔
واقعے کی اطلاع ملتے ہی پولیس اور قانون نافذ کرنے والے اداروں نے پورے علاقے کو کارڈن آف کرکے زخمیوں کو پمز ہسپتال منتقل کیا۔
آئی جی اسلام آباد پولیس علی ناصر رضوی اور چیف کمشنر محمد علی رندھاوا سمیت دیگر اعلیٰ پولیس افسران بھاری نفری کے ہمراہ موقع پر پہنچے، جبکہ وزیرِ داخلہ محسن نقوی نے بھی جائے وقوعہ کا معائنہ کیا اور کہا کہ افغانستان کے شرپسند عناصر کو روکنے کے علاوہ کوئی چارہ نہیں۔
منگل کے روز تقریباً پونے ایک بجے دوپہر کے قریب جی الیون کچہری کے مرکزی گیٹ کے قریب خودکش بمبار نے اسلام آباد پولیس کے پیٹرولنگ اسکوارڈ کی گاڑی کو ٹارگٹ کیا۔
اس وقت وکلاء اور اپنے مقدمات کی پیروی کے لیے آئے لوگوں کی آمد و رفت جاری تھی، جبکہ اسلام آباد پولیس کی دو گاڑیاں سیکیورٹی ڈیوٹی پر موجود تھیں جن میں سے ایک گاڑی کو خودکش بمبار نے ٹارگٹ کیا، جس میں وقوعہ کے وقت چار پولیس اہلکار سوار بتائے جاتے ہیں جبکہ متعدد راہ گیر، وکلاء اور اپنے مقدمات کی پیروی کے لیے آئے لوگ زد میں آئے۔
آپ کا تبصرہ