حوزہ نیوز ایجنسی کی رپورٹ کے مطابق، تشییع جنازے میں ہزاروں مرد اور خواتین سمیت علمائے کرام اور سول اور عسکری قیادت نے شرکت کی اور شہید سے تجدیدِ عہد کرتے ہوئے ان کے مشن کو جاری رکھنے کے عزم کا اعادہ کیا۔
اس موقع پر عوام نے سخت انتقام کا مطالبہ کرتے ہوئے اسلامی جمہوریہ کی حمایت اور غاصب اسرائیل اور شیطان بزرگ امریکہ اور ان کے غلاموں کے خلاف زبردست نعرہ بازی کی۔
ایرانی مسلح افواج کے چیف آف اسٹاف شہید جنرل سید عبد الرحیم موسوی کو نمازِ جمعہ کے بعد، ہزاروں لوگوں نے آہوں اور سسکیوں کے ساتھ حرم حضرت معصومہ سلام اللہ علیہا میں سپردِ خاک کیا۔
شہید جنرل موسوی کی نمازِ جنازہ نمازِ جمعہ کے بعد مصلائے قدس میں ادا کی گئی؛ جس کے بعد ہزاروں لوگوں نے جانبازان اسکوائر سے حرم حضرت معصومہ سلام اللہ علیہا تک شاندار تشییع کی۔
تشییع کے دوران شرکاء ہاتھوں میں ایران اور مقاومتی محاذ کے پرچم اٹھائے ہوئے تھے؛ جبکہ ہزاروں لوگوں کے ہاتھوں میں شہید امام خامنہ ای، رہبر معظم آیت اللہ مجتبیٰ حسینی خامنہ ای اور شہید جنرل موسوی کی تصاویر بھی تھیں۔
اس موقع پر شیطان بزرگ امریکہ اور غاصب صیہونی حکومت کے خلاف فلک شگاف نعرے لگائے گئے اور مکمل فتح تک دشمن سے نبردآزمائی کے عزم کا اظہار کیا گیا۔
آپ کا تبصرہ