حوزہ نیوز ایجنسی کی رپورٹ کے مطابق، شب برأت کی بابرکت مناسبت سے تحریکِ بیداریِ اُمتِ مصطفیٰ (ص) کے زیر انتظام کارکنان کا مرکزی کنونشن جامعہ عروةالوثقیٰ لاہور میں منعقد ہوا۔ جس میں پروفیشنلز آف تحریکِ بیداری، المصطفیٰ سکاؤٹس اور ملک بھر سے تحریک بیداری امت کے ہزاروں مرد و خواتین کارکنان شریک ہوئے۔
علامہ سید جواد نقوی نے کنونشن سے خطاب کرتے ہوئے کہا کہ برأت قرآن کی بنیادی تعلیمات اور فرائض میں سے ہے اور یہ کسی ناگوار چیز سے بیزاری کے ساتھ دوری اختیار کرنے کو کہتے ہیں۔ اللہ کے علاوہ بندگی، اللہ کے علاؤہ حکومت، اللہ کے دین کے علاوہ نظام اور جو کچھ بھی سامریوں نے اللہ کے مقابلے میں بنا کر دیا ہے ان سب سے اعلان برأت کرنا، یہ وہ متروک و فراموش فریضہ ہے جو تمام امت اسلامیہ پر واجب ہے۔
انہوں نے کہا کہ آج کا روز دوری کا روز ہے۔ یہ عہد کا دن ہے کہ ہر وہ چیز جس سے خدا اور اسکا رسول دور ہیں اس سے امت رسول اللہ (ص) بھی دور و بیزار ہے اور اسی عمل میں ہماری نجات پوشیدہ ہے۔
واضح رہے کہ مرکزی کنونشن میں علامہ سید جواد نقوی نے محترم تنویر جعفری کو آئندہ سال کیلئے تحریک بیداری امت مصطفی کا نئے میر کارواں نامزد کر دیا۔
