حوزہ نیوز ایجنسی کی رپورٹ کے مطابق،امام خمینی رحمت اللہ علیہ کی چونتیسویں برسی کے موقع پر رہبر انقلاب اسلامی کے خطاب کے کچھ اہم نکات درج ذیل ہیں۔

• ‎امام خمینی ہماری تاریخ کی سربرآوردہ شخصیات میں سے ہیں۔ تاریخ کے حافظے سے کوئی انہیں مٹا نہیں سکتا، نہ آج اور نہ ‏آئندہ صدیوں میں۔

• امام خمینی نے تین عظیم تبدیلیاں پیدا کیں۔ ایک وطن عزیز ایران کی سطح پر، ایک امت اسلامیہ کی سطح پر اور ایک عالمی ‏سطح پر۔ یہ تینوں تبدیلیاں بے نظیر تھیں اور شاید مستقبل میں بھی اس کی مثال نظر نہیں آئے گی۔ ‏

• ایرانی عوام کے اسلامی انقلاب نے جو امام خمینی نے برپا کیا بڑی طاقتوں کے سامنے ذلیل و رسوا، ان کے پٹھو اور اسلام ‏دشمن سلطنتی نظام کو بے دخل کرکے قومی وقار پر تکیہ کرنے والا ایک آزاد اسلامی جمہوری نظام قائم کر دیا۔ اس انقلاب ‏نے استبداد کو آزادی میں بدل دیا۔

• امام خمینی نے اسلامی بیداری کی لہر پیدا کر دی۔ مسئلہ فلسطین جو صیہونیوں اور ان کی پشت پناہی کرنے والوں کی نظر میں نمٹ چکا ‏تھا، اسلامی امت کی سطح پر امام خمینی کے ذریعے پیدا کردہ تبدیلی کے نتیجے میں عالم اسلام کا سب سے بنیادی مسئلہ بن گیا۔

• امام خمینی نے عالمی سطح پر بھی تبدیلی پیدا کی۔ امام خمینی نے دنیا میں یہاں تک کہ غیر مسلم ممالک میں روحانیت کے ‏ماحول اور روحانیت کے رجحان کو زندہ کر دیا۔ مادہ پرستانہ اور روحانیت مخالف پالیسیوں کے نیچے کچل کر روحانیت ‏ختم ہو گئی تھی۔ ‏

مکمل خبر تھوڑی دیر میں ...