حوزہ نیوز ایجنسی کی رپورٹ کے مطابق، مجلس وحدت المسلمین پاکستان کے سیکرٹری جنرل اور سینیٹر علامہ ناصر عباس جعفری نے اپنے وفد کے ہمراہ نجف اشرف میں آیت اللہ العظمیٰ حافظ بشیر حسین نجفی کے مرکزی دفتر کا دورہ کیا اور ان سے ملاقات کی۔
اس موقع پر آیت اللہ العظمیٰ بشیر حسین نجفی نے حوزہ علمیہ نجف اشرف کی عظمت، اس کے علمی کردار اور تاریخ میں اس کے ذریعے پروان چڑھنے والے جلیل القدر علماء کی خدمات پر روشنی ڈالی۔ انہوں نے موجودہ دور میں علماء کرام کی ذمہ داریوں پر بھی گفتگو کی۔
علامہ ناصر عباس جعفری نے اپنی گفتگو میں کہا کہ آیت اللہ العظمیٰ بشیر حسین نجفی امت مسلمہ کے لیے بالعموم اور برصغیر پاک و ہند کے لیے بالخصوص اللہ کی ایک عظیم نعمت ہیں۔ انہوں نے کہا کہ مرجع عالی قدر کا وجود ہمارے لیے امید ہے اور آپ کا دفتر پوری امت مسلمہ اور برصغیر کے لیے سائبان کی حیثیت رکھتا ہے۔ ان کا مزید کہنا تھا کہ "ہماری عزت آپ سے وابستہ ہے۔"
آخر میں علامہ ناصر عباس جعفری نے مرجع عالی قدر کا قیمتی وقت دینے پر ان کا شکریہ ادا کیا۔
آپ کا تبصرہ