حوزہ نیوز ایجنسی کی رپورٹ کے مطابق، دفترِ نمائندگی آیت الله العظمیٰ سید علی حسینی سیستانی دام ظلہ، علمائے اعلام اور مؤمنین کرام کی جانب سے مرجع تقلید آیت الله العظمیٰ سید علی حسینی سیستانی دام ظلہ کی شریکِ حیات و حسنات سیدہ جلیلہ مرحومہ مغفورہ رضوان اللہ تعالٰی علیہا کی وفات حسرت آیات پر شاہی جامع مسجد تحسین گنج میں تعزیتی ریفرنس اور مجلسِ عزاء منعقد ہوئی۔
مجلسِ عزاء کا آغاز تلاوتِ قرآنِ کریم سے مولانا محمد علی نے کیا۔ مولانا سید کلب جواد نقوی جنرل سکریٹری مجلس علمائے ہند و امام جمعہ لکھنو، مولانا فیروز علی بنارسی (استاد تنظیم المکاتب)، مولانا سید محمد موسیٰ رضوی (استاد جامعہ سلطانیہ)، مولانا مرزا رضا عباس(مدیر جامعۃ التبلیغ)، مولانا مرزا جعفر عباس (سکریٹری جامعۃ التبلیغ)، مولانا مصطفی علی خان ادیب الہندی، مولانا سید فرید الحسن (مدیر جامعہ ناظمیہ)، مولانا مکاتب علی خان، مولانا کاظم مہدی عروج جونپوری نے تقاریر کیں اور اپنے تاثرات پیش کیے۔ تعزیتی اجلاس کے بعد امیر العلماء آقائے سید حمید الحسن امیر جامعہ ناظمیہ نے مجلسِ عزاء سے خطاب کیا۔ آیت الله العظمیٰ سید علی حسینی سیستانی دام ظلہ کے وکیل مولانا سید اشرف علی الغروی نے اپنے تاثرات اور شکریہ کے کلمات کہے۔نظامت کے فرائض مولانا سید علی ہاشم عابدی نے انجام دیا۔
تعزیتی اجلاس اور مجلسِ عزاء میں کثیر تعداد میں علماء، خطباء، مبلغین، ائمہ جماعت، ذمہ داران ادارات دینیہ و مدارس علمیہ، اساتذہ، طلاب خصوصاً طلاب جامعہ امامیہ تنظیم المکاتب، قومی، سماجی اور صحافتی شخصیات نے شرکت کی؛ جن میں سے چند نام مندرجہ ذیل ہیں۔ مولانا ظہیر احمد افتخاری، مولانا سید رضا حسین امام جمعہ عالم نگر، مولانا کاظم واحدی (استاد حوزہ ابو طالب)، مولانا محمد ابراہیم (استاد جامعۃ التبلیغ)، مولانا سید قمر الحسن، مولانا شفیق حسین (استاد جامعہ سلطانیہ)، مولانا غضنفر نواب (مدیر جامعہ سلطانیہ) مولانا گلزار حسین جعفری، مولانا حیدر عباس رضوی، مولانا شبیر علی، مولانا محمد علی زیدی (استاد جامعہ ناظمہ)، مولانا سید محمد علی عابدی (مسؤول ادارہ المعارج)، مولانا سید محمد حسین رضوی، مولانا سید محمد عباس، مولانا تنظیم حیدر، مولانا منتظر مہدی نجفی، مولانا حیدر حسن (استاد جامعہ ناظمیہ)، مولانا ایمان احمد (استاد جامعہ ناظمیہ)، مولانا سید رضا امام، مولانا ذمہ داروں پر سید محمد سلیم زیدی، جناب سید وفا عباس عنبر فاؤنڈیشن، سینیئر صحافی سید رضوان مصطفی تہلکہ ٹوڈے، جناب عین الرضا انجمن وظیفہ سادات و مومنین، جناب شاہکار حسین زیدی (شاہی جامع مسجد) وغیرہ۔
آپ کا تبصرہ