حوزہ نیوز ایجنسی کی رپورٹ کے مطابق، مرکزی امامیہ جامع مسجد شگر بلتستان پاکستان میں یادِ شہداء کانفرنس و چہلمِ شہید رہبرِ انقلابِ اسلامی حضرت آیت الله العظمیٰ سید علی الحسینی خامنہای اور دیگر شہدائے راہِ رہبری کی مناسبت سے ایک عظیم الشان اجتماع منعقد ہوا، جس میں ہزاروں افراد نے شرکت کی۔
کانفرنس میں تمام مکاتبِ فکر کے علماء نے بھی بھرپور شرکت اور خطاب کیا۔
اجتماع کا آغاز تلاوتِ قرآن سے ہوا، جس کے بعد خطبۂ استقبالیہ امامِ جمعہ و الجماعت مرکزی امامیہ جامع مسجد شگر، آغا سید طہ الموسوی نے پیش کیا۔
اس بابرکت اجتماع میں مختلف مکاتبِ فکر کے نمائندہ علمائے کرام نے اتحاد و یکجہتی کا پیغام دیتے ہوئے خطاب کیا۔
نوربخشیہ صوفیہ کی نمائندگی کرتے ہوئے مفتی علی محمد ہادی، اہلِ حدیث کی نمائندگی میں مولانا عبداللہ، سینئر نائب صدر انجمنِ امامیہ بلتستان شیخ زاہد حسین زاہدی، شگر کی نمائندگی کرتے ہوئے آغا سید سعید الموسوی اور اجتماع کے صدر، صدرِ انجمنِ امامیہ بلتستان آغا سید باقر الحسینی نے خصوصی خطاب کیا۔
مقررین نے شہداء کی عظیم قربانیوں کو خراجِ عقیدت پیش کرتے ہوئے اتحادِ امت پر زور دیا۔
آخر میں صدر انجمنِ امامیہ شگر آغا سید عباس الموسوی نے تمام معزز مہمانوں، علمائے کرام اور شرکاء کا شکریہ ادا کیا۔
آپ کا تبصرہ