حوزہ نیوز ایجنسی کی رپورٹ کے مطابق، سپاہ پاسدارانِ انقلابِ اسلامی کے سربراہ میجر جنرل محمد پاکپور نے کہا ہے کہ ٹرمپ اور نیتن یاہو کے ہاتھ ایرانی جوانوں اور سیکورٹی فورسز کے خون سے رنگین ہیں۔
جنرل پاکپور نے تہران میں شہدائے امنیت کی تشییع جنازہ میں عوام کی کثیر تعداد میں شرکت کی قدردانی کرتے ہوئے کہا کہ شہداء نے داعشی دہشت گردوں کے سامنے عوام کا دفاع کرتے ہوئے اپنی جانوں کا نذرانہ پیش کیا۔
انہوں نے کہا کہ امریکہ اور غاصب صیہونی حکومت کی سرپرستی میں تربیت یافتہ دہشت گردوں کے خلاف پیر کے دن، ایرانی عوام کا اجتماع دنیا والوں کے سامنے اسلامی جمہوریہ ایران کی عوامی طاقت کا شاندار مظاہرہ تھا۔
سپاہ پاسدارانِ انقلابِ اسلامی کے سربراہ نے کہا کہ اس میں کوئی شک نہیں کہ ٹرمپ اور نیتن یاہو ایرانی جوانوں اور سیکورٹی اہلکاروں کے قاتل ہیں۔ ان کی جنایت کو کبھی فراموش نہیں کیا جائے گا اور مناسب وقت پر جواب دیا جائے گا۔
انہوں نے کہا کہ حالیہ دہشت گردی میں ملوث عناصر اور ان کے آقاؤں کو انتباہ کیا جاتا ہے کہ جوابی کاروائی کے لیے سپاہ پاسدارانِ انقلابِ اسلامی مکمل طور پر آمادہ ہے اور الله تعالٰی پر ایمان، رہبرِ معظم کی قیادت اور عوامی حمایت کے ساتھ وائٹ ہاؤس اور تل ابیب کے حکمرانوں کی مکروہ سازشوں کو ناکام بنادے گی۔
آپ کا تبصرہ