حوزہ نیوز ایجنسی کی رپورٹ کے مطابق، اسلامی جمہوری ایران اور پاکستان کے وزرائے خارجہ نے ٹیلیفونک رابطے میں دوطرفہ تعلقات، افغانستان کی صورتحال اور علاقائی و بین الاقوامی امور پر تبادلہ خیال کیا ہے۔
رپورٹ کے مطابق، دونوں وزرائے خارجہ نے دوطرفہ تعلقات کی تازہ ترین صورتحال کا جائزہ لیتے ہوئے اس بات پر زور دیا ہے کہ ایران اور پاکستان جیسے ہمسایہ اور برادر اسلامی ممالک کے درمیان روابط کو مزید فروغ دینے کے لیے اعلٰی سطح پر مشاورت کا سلسلہ جاری رکھا جائے گا۔
اسلامی جمہوریہ ایران کے وزیرِ خارجہ ڈاکٹر عباس عراقچی نے اس موقع پر اپنے پاکستانی ہم منصب جناب اسحاق ڈار کو ایران اور امریکہ کے درمیان جاری بالواسطہ مذاکرات کی پیش رفت سے بھی آگاہ کیا۔
دونوں وزراء نے افغانستان اور خطے کے دیگر ممالک کے حوالے سے بھی تبادلہ خیال کیا۔
آپ کا تبصرہ