حوزہ نیوز ایجنسی کی رپورٹ کے مطابق، مجلسِ علمائے ہند کے سیکریٹری جنرل مولانا کلب جواد نقوی نے پہلگام میں سیاحوں پر ہوئے دہشت گردانہ حملے کی مذمت کرتے ہوئے کہا کہ یہ بزدلانہ حملہ ہندوستان کو کمزور نہیں کرسکتا، دہشت گرد ہمیں خوف زدہ کرنا چاہتے ہیں، تاکہ کشمیر میں بدامنی کو فروغ دیا جاسکے، یقیناً ہماری فوج اور حکومت اس حملے کے مجرموں سے سخت انتقام لے گی۔
انہوں نے کہا کہ اگر یہ ثابت ہوتا ہے کہ اس حملے میں جو بھی ملوث ہوگا اس کو سخت سزا ملنی چاہیے۔
مولانا نے کہا کہ ہم دعا گو ہیں کہ جو لوگ اس حملے میں زخمی ہوئے ہیں وہ جلد از جلد صحت یاب ہوں ۔
مولانا نے اپنے بیان میں کہا کہ دہشت گردی کے خاتمے کے لیے دنیا کو دوہرا معیار ختم کرنا ہوگا؛ اسرائیل جو غزہ میں کررہا ہے وہ بھی کھلی دہشت گردی ہے، اس کی بھی مذمت کی جانی چاہیے؛ نیتن یاہو چھوٹے چھوٹے معصوم بچوں کا قاتل ہے، اس کو بھی دہشت گرد مانا جائے۔
آپ کا تبصرہ