حوزہ نیوز ایجنسی کی رپورٹ کے مطابق، حضرت امام علی النقی الہادی علیہ السلام کی شہادت کے موقع پر یہ مجلسِ عزا قم میں واقع حضرت موسیٰ مبرقع علیہ السلام کے حرم کے جوار میں منعقد ہوگی، جس میں اہلِ بیتؑ سے عقیدت رکھنے والے مؤمنین اور عزادار بڑی تعداد میں شرکت کریں گے۔
رپورٹ کے مطابق یہ پروگرام آج بروز منگل، نمازِ مغرب و عشا کے بعد شروع ہوگا۔ مجلس سے حجت الاسلام شحیطاط خطاب کریں گے، جبکہ اس کے بعد کربلائی یاسین شیخ زادہ مرثیہ و نوحہ خوانی کریں گے۔
قابلِ ذکر ہے کہ حضرت امامزادہ موسیٰ مبرقع علیہ السلام، حضرت امام ہادی علیہ السلام کے سگے بھائی اور حضرت امام محمد تقی جواد علیہ السلام کے فرزند تھے۔ آپؑ کو قم کی تاریخ کے عظیم محدثین اور فقہاء میں شمار کیا جاتا ہے۔ آپؑ نے چالیس برس کی عمر میں قم کی طرف ہجرت کی اور تادمِ حیات اسی شہر میں مقیم رہے۔
آج حضرت موسیٰ مبرقع علیہ السلام کا روضۂ مبارک قم کا تیسرا بڑا زیارتی حرم شمار ہوتا ہے، جہاں ایران سمیت دنیا کے مختلف ممالک، خصوصاً ہندوستان اور پاکستان سے ہزاروں زائرین حاضری دیتے ہیں۔
آپ کا تبصرہ