حوزہ نیوز ایجنسی کی رپورٹ کے مطابق، نائب امام جمعہ تہران حجت الاسلام والمسلمین ابو ترابی فرد نے ہفتۂ دفاع مقدس کی مناسبت سے یہ بیان کرتے ہوئے کہ ایرانی شجاع عوام نے عاشوراء سے الہام لیتے ہوئے ظالم امریکہ اور اس کے غلام صدام کے مقابلے میں ڈٹ کر امت مسلمہ کی عزت کو دنیا کے سامنے پیش کیا، کہا کہ بارہ روزہ دفاع مقدس نے ایران اور مزاحمت کے محور کے عالمی سطح پر کردار کو واضح کیا اور واشنگٹن اور تل ابیب کو تسلیم ہونے پر مجبور کر دیا۔
انہوں نے بارہ روزہ مسلط کردہ جنگ کے بارے میں مزید کہا کہ اس تاریخی واقعے کا ملک میں ہم آہنگی، اسلامی یکجہتی اور ماہر اور دلیر رہنماؤں کی تربیت میں بے مثال اور منفرد کردار رہا ہے، جو ملک کی علمی و فنی ترقی میں اہم کردار ادا کریں گے۔
حجت الاسلام والمسلمین ابوترابی فرد نے مزید کہا کہ یہ تاریخی اور قومی واقعہ تھا جو ایرانی قوم نے اپنے عظیم رہبر کی قیادت میں تخلیق کیا اور ایران اور مزاحمت کے محور کو عالمی سطح پر مستحکم کیا۔ اس ٹیکنالوجی کی جنگ میں، فوجی طاقت، علم، ٹیکنالوجی اور میزائل ذخائر کی برتری نے واشنگٹن اور تل ابیب کو ایران کی عظمت کے سامنے تسلیم ہونے پر مجبور کر دیا۔
انہوں نے مزید کہا کہ ہمیں ان تاریخی واقعات سے الہام لینا چاہیے۔ عقل و خرد سے عاری امریکی صدر اور مغربی سیاستدانوں کو ایران کی اس عظیم اور باوقار تاریخ پر غور کرنا چاہیے۔ شجاعت، حکمت، عقل، معنویت، امام اور امت کا مضبوط رابطہ، قومی یکجہتی اور امت مسلمہ کی ہم آہنگی نے ایک طاقتور قوت پیدا کی ہے جو اسلامی دنیا کے مستقبل کو تشکیل دے گی۔ ایرانی قوم، امت مسلمہ، غزہ کے شیر دل مجاہدین اور مزاحمت کے رہنما شہید سید حسن نصراللہ، دنیائے اسلام کے مستقبل ساز ہیں۔
نائب امام جمعہ تہران نے ایران کی قومی کشتی ٹیم کی عالمی مقابلوں میں کامیابیوں کا ذکر کرتے ہوئے کہا کہ ایران کے آزاد اور فری اسٹائل کشتی کے کھلاڑیوں نے اپنی فکر، علم، مہارت، عزم اور طاقت کو اعلیٰ انسانی اقدار کے ساتھ پیش کیا۔ ہمیں اس ملک میں مستحکم قیادت کی ضرورت ہے اور ہمیں تجربہ کار، ایماندار اور منصوبہ بندی کرنے والے کوچز کی ضرورت ہے۔ ہم اس عظیم فتح پر ایرانی عظیم قوم اور کشتی لڑنے والے کھلاڑیوں کے خاندانوں کو مبارکباد پیش کرتے ہیں۔
آخر میں حجت الاسلام والمسلمین ابوترابی فرد نے کشتی فیڈریشن کے منتظمین اور تمغہ جیتنے والے کھلاڑیوں کا شکریہ ادا کیا اور ان کو خراجِ تحسین پیش کیا۔
واضح رہے یہ خطبہ علاقائی اور بین الاقوامی تبدیلیوں میں اور خاص طور پر مزاحمت اور اسلامی اقدار کے دفاع میں ایران کے اہم کردار کی نشاندہی کرتا ہے۔
آپ کا تبصرہ