حوزہ نیوز ایجنسی اردبیل سے نامہ نگار کی رپورٹ کے مطابق، ایران میں مشگین شہر کے خطیب امام جمعہ حجۃ الاسلام رضا باوقار نے خواتین کے عالمی دن کی مناسبت سے مشگین شہر کے مدرسہ علمیہ فاطمیہ (س) میں منعقدہ ایک تقریب میں خطاب کرتے ہوئے کہا: وہ تمام فضائل و کمالات جو ایک خاتون کے لیے تصور کیے جا سکتے ہیں، حضرت زہرا سلام اللہ علیہا میں کاملترین صورت میں موجود ہیں اور ان کی سیرت ایمان، عفت اور بچوں کی تربیت سمیت تمام امور میں پوری انسانیت کے لیے نمونہ اور راہنما ہے۔
انہوں نے مزید کہا: حضرت زہرا سلام اللہ علیہا کی شخصیت صرف مادی اور دنیاوی وجود تک محدود نہیں تھی بلکہ ان کی سیرت تمام زمانوں اور نسلوں کے لیے مکتب انسانیت کی کارفرما ہے۔
مشگین شہر کے امام نے کہا: حضرت فاطمہ زہرا سلام اللہ علیہا کی شخصیت پیغمبر اکرم صلی اللہ علیہ وآلہ وسلم کی سیرت سے تکامل پائی ہے اس لئے اعمال و کردارِ نبوی (ص) سے سب سے زیادہ مشابہہ ہستی بھی حضرت زہرا سلام اللہ علیہا کی ذات تھیں۔
انہوں نے کہا: پیغمبر اکرم صلی اللہ علیہ وآلہ وسلم حضرت فاطمہ زہرا سلام اللہ علیہا کو ہمیشہ عزت و تکریم سے نوازا کرتے تھے۔ آپ صلی اللہ علیہ وسلم کو پیغمبر اسلام سمجھا جاتا تھا، آپ (س) کا پیغمبر اکرم صلی اللہ علیہ وآلہ وسلم کی طرف سے "أمِّ ابیہا" کا لقب پانا ان دو ہستیوں کے عمیق اور روحانی تعلق کا پتا دیتا ہے۔
حجۃ الاسلام باوقار نے سیرتِ فاطمی (س) کو نمونہ قرار دینے پر تاکید کرتے ہوئے کہا: حضرت صدیقہ کبری سلام اللہ علیہا ائمہ معصومین علیہم السلام کے لیے خدا کی حجت تھیں اور تمام شیعہ اماموں نے اپنی مادر گرامی کو اپنے عمل اور کردار میں نمونہ قرار دیا ہے۔
